لوکائی کورونا ایس او پیزاُتے عمل نہیں کر رہی: فردوس عاشق اعوان

لہور( پنجابی میڈیا گروپ) وزیراعلیٰ پنجاب دی معاون خصوصی برائے اطلاعات فردوس عاشق دا کہنا اے اپنی بھیناں توں کہنی آں ونڈو شاپنگ توں پرہیز کرن، عورتاں گھراں وچ رہن تے مرداں نوں خریداری لئی گھلن، ونڈو شاپنگ لئی آن والے خود نوں تے دوجیاں نوں بچان۔ لہور وچ میڈیا نال گل کردیاں فردوس عاشق آکھیا بازاراں وچ کورونا ایس او پیز تے مکمل عملدرآمد کروان دی وی لوڑ اے، بدقسمتی نال لوکائی کورونا وائرس دی ایس او پیز نوں پیراں تھلے روند رہے نیں۔ فردوس عاشق آکھیا مہنگائی دے پچھے وکھو وکھ نیٹ ورک کم کر رہے نیں ایہ نیٹ ورک نہ ہوندے تے ملک اج اجناس وچ خود کفیل ہوندا۔ اوہناں آکھیا اسیں لوکائی نوں مسائلیاں توں نجات دوان دی کوشش کر رہے آں، عوام نوں سبسڈی دی شکل وچ وکھو وکھ پیکیجز دے رہے آں۔ فردوس عاشق آکھیا بدقسمتی نال حکومتی پالیسیاں تے اوہدی روح دے مطابق عملدرآمد نہیں ہو رہیا۔

اپنا تبصرہ گھلو