کرپشن تے غفلت کسی صورت برداشت نہیں کراں گے: عثمان بزدار

لہور( پنجابی میڈیا گروپ)وزیراعلی پنجاب عثمان بزدار ہوراں آکھیا کہ تحریک انصاف دی حکومت سرکاری امور وچ شفافیت اُتے یقین رکھدی اے، کرپشن، بے ضابطگی تے غفلت کسی صورت برداشت نہیںکراں گے۔وزیراعلی پنجاب عثمان بزدار تے صوبائی محتسب میجر ریٹائرڈ اعظم سلیمان نال ملاقات کیتی جس وچ محتسب آفس دی کارکردگی تے ہوراں کماں اُتے تبادلہ خیال کیتا گیا، صوبائی محتسب نے سالانہ کارکردگی رپورٹ وی پیش کیتی۔وزیراعلی عثمان بزدار ہوراں آکھیاکہ احتساب تے نگرانی دا عمل ہور بہتر بنایا جائے، سرکاری امور وچ شفافیت نال ہی مساوات ممکن اے، وزیر اعلی پنجاب ہوراں اکھیاکہ سرکاری افسراں تے ملازماں عوام دے مسائل میرٹ اُتے حل کرن، عوامی شکایات کے ازالے لئی محتسب آفس داکردار بہت اہمیت دا حامل اے۔

اپنا تبصرہ گھلو