درسی کتاباں وچ غلط پاکستانی نقشہ شائع کرن تے قید و جرمانے دی سزا

اسلام آباد( پنجابی میڈیا گروپ)درسی کتاباں تے تدریسی مواد وچ پاکستان دا سرکاری نقشہ شامل ہووے گا، غلط نقشہ شائع کرن والے نوں 5ورھے تک قید یا 50لکھ روپے یا دوواں دی سزا ہو سکدی اے۔ پرائیویٹ ایجوکیشنل ریگولیٹری اتھارڑی (پیرا) نے سارے نجی تعلیمی اداریاں نوں پاکستان دا سروے آف پاکستان توں تصدیق شدہ سرکاری نقشہ استعمال کرن دی ہدایات جاری کردیاں ہویاں آکھیا اے درسی کتاباں تے تدریسی وماد وچ صرف پاکستان دا سرکاری نقشہ ای شامل کیتا جائے۔ پیرا نے آکھیا اے اساتذہ تے طلبا وچ پاکستان دے سرکاری نقشے بارے آگاہی نوں فروغ دتا جائے۔ پارلیمنٹ نے سروینگ اینڈ میپنگ (ترمیمی) بل 2020منظور کر لیا اے، تے پاکستان دا سرکاری نقشہ جاری کیتے نوٹیفکیشن دے نال منسلک کر دتا گیا اے۔ غلط نقشہ شائع کرن والے نوں 5ورھے تک قید یا 50لکھ روپے یا دوواں دی سزا ہو سکدی اے۔

اپنا تبصرہ گھلو