نیب لوکاں دی آزادی نال نہ کھیڈے، سپریم کورٹ
اسلام آباد( پنجابی میڈیا گروپ) سپریم کورٹ نے گرفتاریاں دے معاملہ اُتے نیب دی سخت سرزنش کردتی۔
سپریم کورٹ نے سرزنش پشور ہائیکورٹ دے فیصلے دے خلاف نیب اپیل دی سماعت دے دوران کیتی۔ جسٹس مقبول باقر دی سر براہی وچ دو رکنی بینچ نے کیس دی سماعت کیتی۔
نیب ڈپٹی پراسیکیوٹر جنرل نے دسیا کہ نیب نے فراڈدے ملزم سلمان فدادے خلاف تحقیقات بند کر دتی اے تے ایہ معاملہ کارروائی لئی پشور ڈیویلپمنٹ اتھارٹی نوں گل دتا اے۔ پشور ہائیکورٹ نے گرفتاری توں پہلاں ملزم نوں آگاہ کرن دا حکم دتا، ہائیکورٹ دے فیصلہ نوں صرف ایس حد تک چیلنج کیتا۔
جسٹس مظہر عالم میاں خیل نے ریمارکس دتے کہ معاملے وچ نیب دا دائرہ اختیار نہیں سی تے ملزم نوں گرفتار کیوں کرنا چاہندے سن۔، کسی دی آزادی نال کھیڈنا آسان نہیں، نیب لوکاں دی آزادی نال نہ کھیڈے۔
Load/Hide Comments





















