آرمی چیف دی ایکسٹینشن بارے آئینی عرضیغیر موثر نہیں ہوئی: وزیر قنون

اسلام آباد: وزیر قنون فروغ نسیم آکھیا اے آرمی چیف دی ایکسٹینشن بارے آئینی عرضی غیر موثر نہیں ہوئی، آرمی ایکٹ ترمیمی بل آرمی چیف بارے اے، سپریم کورٹ دے فیصلے دا اک حصہ آرمی چیف، دوجا فوج بارے اے۔ وفاقی وزیر قنون بیرسٹر فروغ نسیم نے میڈیا نال گل کردیاں آکھیا سپریم کورٹ دے فیصلے دے دو حصے نیں، اک حصہ آرمی چیف تے دوجا پوری فوج بارے اے۔ آرمی چیف دی ایکسٹینشن بارے آئینی عرضی غیر موثر نہیں ہوئی۔

اوہناں آکھیا آرمی ایکٹ ترمیمی بل آرمی چیف بارے اے۔ ایس توں پہلاں قومی اسمبلی توں آرمی، فضائیہ تے نیوی ایکٹ ترمیمی بل منظور ہون بارے وزیر قنون فروغ نسیم نے دسیا کہ اجلاس وچ اپوزیشن ولوں ترامیم پیش کیتیاں گئیاں، ایہدے تے وضاحت کیتی گئی کہ ایس لئی آئین وچ ترمیم کرنی ہووے گی، اجلاس وچ اک وی رکن نے مخالفت نہیں کیتی۔