ناموس رسالتؐ دے معاملے تے عالم اسلام نوں متحد کرنا وزیراعظم دا اہم مشن اے: فردوس عاشق اعوان

لہور( پنجابی میڈیا گروپ)فردوس عاشق آکھیا اے ناموس رسالتؐ دے معاملے تے عالم اسلام نوں متحد کرنا وزیراعظم دا اہم مشن اے۔ معاون خصوصی پنجاب فردوس عاشق نے سماجی رابطے دی ویب سائٹ تے اپنے ٹویٹ وچ آکھیا قیام پاکستان توں اج تک سوائے عمران خان دے کوئی لیڈر کفار دی اکھاں وچ اکھاں پا کے ناموس رسالتؐ دے حوالے نال گل نہ کر سکیا، حساس معاملے تے ہمیشہ جلاؤ گھیراؤ دا راستہ اپناندیاں ہویاں ملکی املاک نوں ای نقصان اپڑایا گیا۔ فردوس عاشق دا کہنا سی کسے وی سربراہ مملکت نے کوئی لائحہ عمل ترتیب نہ دتا جہدے نال اقوام عالم نوں واضح پیغام دتا جا سکے، ناموس رسالتؐ دا مقدمہ جہڑی بے باکی نال عمران خان نے لڑیا اوہدی ماضی وچ مثال نہیں ملدی۔