نکام پی ڈی ایم، ہن ٹی ایل پی دے معاملے تے سیاست کرنا چاہندی اے: شہباز گل

اسلام آباد( پنجابی میڈیا گروپ)شہباز گل نے آکھیا اے نکام پی ڈی ایم، ہن ٹی ایل پی دے معاملے تے سیاست کرنا چاہندی اے۔ نااہل لیگ اجہے حالات چاہندی اے جہدے وچ اوہناں دی گھٹیا سیاست چمک سکے۔ معاون خصوصی برائے سیاسی ابلاغ شہباز گل نے شاہد خاقان عباسی دے بیان تے ردعمل دیندیاں آکھیا ملکی سلامتی دے ہر حساس مسئلے تے گھٹیا سیاست کرنا ایہناں دا وطیرہ اے، نااہل اجہے حالات تے وی اپنی گندی سیاست، جھوٹھ تے پروپیگنڈے وچ مصروف اے، توہین رسالت دے خلاف بین الاقوامی سطح تے عمران خان نے آواز چُکی۔ شہباز گل دا کہنا سی وزیراعظم اقوام عالم تے واضح کر چکے کہ گستاخی رسولؐ تے توہین رسالت نوں کسے وی صورت برداشت نہیں کراں گے، عمران خان نے ہر فورم تے عظمت رسولؐ تے حبِ نبیؐ دے بہترین ترجمانی کیتی اے۔