سندھ اسمبلی: فرانس وچ گستاخانہ خاکیاں دی اشاعت دے خلاف مذمتی قرارداد منظور

کراچی: سندھ اسمبلی وچ فرانس ولوں گستاخانہ خاکیاں دی اشاعت دے خلاف مذمتی قرارداد متفقہ طور تے منظور کر لئی گئی۔ جماعت اسلامی ولوں وفاقی وزیر داخلہ شیخ رشید نوں برطرف کرن دا مطالبہ کیت اگیا۔ سندھ اسمبلی اجلاس وچ وزیر اطلاعات ناصر حسین شاہ ولوں ناموس رسالتۖ بارے قرارداد پیش کیتی گئی جہڑی متفقہ طور تے ایوان نے منظور کر لئی۔ قرارداد پیش کردیاں وزیر اطلاعات سندھ ناصر حسین شاہ نے اپنے خطاب وچ آکھیا ساڈی جاناں ناموس رسالتۖ تے قربان نیں، ایس حساس مسئلے نوں بہت خوش اسلوبی نال حال ہونا چاہیدا سی۔ جماعت اسلامی دے رکن سید عبدالرشید نے وفاقی وزیر داخلہ شیخ رشید نوں برطرف کرن دا مطالبہ کردیاں آکھیا ناموس رسالت دے حوالے نال کیتے گئے معاہدیاں تے عمل کیتا جائے۔ کالعدم ٹی ایل پی دے مفتی قاسم فخری نے آکھیا پچھلے ورھے نومبر وفاقی حکومتی تے تحریک لبیک وچکار اک معاہدہ طے ہویا سیا حکومتی نااہلی دی وجہ توں دوبارہ وقت دتا گیا فیر احتجاج کیتا تے اوہناں تے گولیاں برسائیاں گئیاں، مظاہرین تے فائرنگ کرن والیاں نوں قنون دے کٹہرے وچ لیا کے میری پارٹی تے پابندی ختم کیتی جائے۔

اپنا تبصرہ گھلو