چج ادبی پروار جھنگ نے 2078 پنجابی دیسی بکرمی کیلنڈر چھا پ دِتا

چج ادبی پروار جھنگ پنجاب پاکستان ہک پنجابی ادبی تنظیم اے جیہڑی عرصہ 40 سال پنجابی ادب۔پنجابی ثقافت پنجابی زبان نوں پرائمری سکولاں،کالجاں تے یونیورسٹی تک لاگو کراؤن واسطے کم کریندی پئی اے چج ادبی پروار جھنگ وچ 21 فروری عالمی پنجابی ماں بولی دیہاڑ دی کامیاب ریلی کڈھ کے تے ہر پنجابی تہوار وج گج کے منایندی ہے اج وت چج ادبی پروار جھنگ پنجاب پاکستان پنجاب دا 2078 پنجابی دیسی بکرمی کلینڈر چھاپ کے آپنا آپ منوایا ہے ۔ایس پنجابی بکرمی دیسی کلینڈر نوں چھاپن دی خصوصی کاوش حاجی ملک عبد الطیف شیدائی تے عبد الرحمن ساجد ہوراں کیتی ہے ۔جھتے چج ادبی پروار جھنگ پنجاب پاکستان دے ہر عہدے دار تے ممبران دی کوشش ہے اوتھے چج ادبی پروار جھنگ دے چھتر چھانویں اس دی ترتیب کاری دے کم وچ ادارہ پنجابی ادبی جھوک جھنگ دے بانی صدر حاجی ممتاز خان بلوچ چج ادبی پروار جھنگ دے نگران ڈاکٹر خالد اقبال خالد چنیوٹ ادارہ پنجابی ادبی جھوک دے صابر سودائی سرگودھا چج ادبی پروار جھنگ دے نائب صدر مہر الطاف حسین بھروانہ تے چج ادبی پروار جھنگ دے سرپرست میاں صفدر محمود ایڈووکیٹ جھنگ ہوراں کیتی ۔ایس پنجابی بکرمی دیسی کلینڈر نوں برائے ایصالِ ثواب چج ادبی پروار جھنگ دے سرپرست شہنشاہ پنجابی ادب استاد الشعراء فخر جھنگ مہر محمد ریاض سیال،صوفی غلام محمدتے حمزہ قاسم مرحوم دے ناں نال منسوب کیتا گیااے۔ ایس کم وچ خصوصی تعاون کرن آلے بندیاں دا ناں نہ لینڑا وی کنجوسی ہوسی اس خصوصی تعاون وچ رائے عمران شہزاد،چراغ الدین وانہ،مہر محمد ذوہیب ہوراں کیتا ہے تے جھنگ دے سارے شعراء کرام بھج دھرک کیتی۔ عبد الرحمن ساجد جنرل سیکرٹری چج ادبی پروار جھنگ ہوراں آکھیا ہے کہ چج ادبی پروار جھنگ پنجاب پاکستان وت وی انشاء اللہ کسے بلا خوف یا کسے دی دھمکی نوں خاطر نہ رکھدیاں پنجابی ادب پنجابی زبان ثقافت نوں اجاگر کرن واسطے ہر آپنی کامیاب کوشش کریندی راسی۔ ایس پنجابی دیسی بکرمی کلینڈر نوں چھاپن دی خصوصی ڈیزائینگ پریس مارکیٹ جھنگ دے مایہ ناز کاتب حاجی محمد اشرف صابر تے اناندے پتر جھنگ دے مایہ ناز ڈیزائنر گرافِکس دارالکتابت محمد مدثر اشرف ہوراں کیتی ہے۔