راولپنڈی رنگ روڈ منصوبے دی لگت وچ 25 ارب روپےدے اضافہ دا انکشاف
راولپنڈی: رنگ روڈ منصوبے دی لاگت وچ 25 ارب روپے اضافے دے انکشاف توں بعد وزیراعظم عمران خان نے نوٹس لے لیتا۔راولپنڈی رنگ روڈ منصوبے وچ کئی نجی ہاؤسنگ سوسائٹیاں دے حق وچ دوبارہ حد بندی تے منصوبے دی لاگت وچ 25 ارب دے اضافے دا انکشاف ہویا اے، جس توؐں بعد وزیراعظم عمران خان نے وزیراعلی پنجاب عثمان بزدار نوں منصوبے دی تحقیقات دی ہدایت کیتی اے۔ بااثر سیاستداناں تےمفاد پرست گروپاں دے کہن تے نجی ہاؤسنگ سوسائٹیاں نوں فائدہ دین لئے حدبندی تبدیل کردیتی گئی اے، 85 کلومیٹر طویل راولپنڈی رنگ روڈ دی تعمیر تے ابتدائی تخمینہ تقریباً 40 ارب روپے سی، وزیراعظم نوں منصوبے دے تخمینے وچ 25 ارب روپے دے اضافے دی اطلاع ملی سی، جیس تے وزیراعظم نے نوٹس لتا۔ذرائع دے مطابق وزیراعظم نے آکھیا اے کہ تحقیقات کتی جاوے گی کس وجوہات تے کس دےکہن تے اصل منصوبہ تبدیل کیتا گیا، تے دسیا جاوےگا کہ منصوبے وچ تبدیلی دےنال کس کس نوں فائدہ پہنچیا، ماسٹر پلان وچ غیر قانونی تبدیلی وچ ملوث اہلکاراں تے ملوث افراد دے خلاف قانون دے مطابق کارروائی کیتی جاوےگی۔





















