پنجاب وچ ٹرانسپورٹ پلس متعارف کران دا فیصلہ

اسلام آباد: پنجاب حکومت دی ہدایات دی روشنی وچ ملک دی تاریخ وچ پہلی دفہ پنجاب وچ ٹرانسپورٹ پلس متعارف کران دا فیصلہ کیتا گیا۔امریکہ، جاپان، فرانس ، جرمنی اٹلی تے سری لنکا توں بعد پاکستان جنوبی ایشیا دا دوجاملک بن جاوے گا جتھے ٹرانسپورٹ پلس فرائض سر انجام دوے گی۔پنجاب دے وڈے شہراں لاہور، فیصل آباد، راولپنڈی، ملتان وچ ٹرانسپورٹ پلس متعارف کرائی جاوے گی۔ پائلٹ پروجکیٹ دے تحت راولپنڈی وچ ٹرانسپورٹ پلس دے حوالے تے وزیر اعلی پنجاب نے منظوری دے دتی اے جیس دے تحت اک سواہلکار ریجنل ٹرانسپورٹ اتھارٹی وچ بھرتی کیتی جاوے گی۔آر ٹی اے راولپنڈی دے سیکرٹری ٹرانسپورٹ پلس دے سربراہ ہون گے جدکہ دیگر اہلکار اپنے اپنے فرائض سر انجام دین گے، ٹرانسپورٹ پلس راولپنڈی توں اسلام آباد کوئٹہ توں راولپنڈی، مری توں راولپنڈی، گوجر خان توں راولپنڈی، ٹیکسلا توں راولپنڈی، آزادکشمیر توں راولپنڈی تے ملک دے دیگر شہراں توں آن والی ٹرانسپورٹ تے راولپنڈی دے اندرونی علاقیاں وچ چلن والے پبلک ٹرانسپورٹ نوں مانیٹر کریں گی تے شہریاں دی شکایات دے برقت ازالہ دے لئے موقع تے جرمانہ تے قانون دے مطابق بس، ویگن،سوزوکی، چنگ چی تے دیگر پبلک ٹرانسپورٹ نوں تھانے وچ بند کرن دے نال نال پھاری جرمانہ وی کرسکن گے۔ٹرانسپورٹ پلس دے لئی خصوصی وردی وی تیار کیتی جاوے گی تے راولپنڈی ٹریفک پلس تے ضلعی انتطامیہ دے نال مل کر اپنے فرائض سر انجام دوےگی ۔

اپنا تبصرہ گھلو