ملک وچ آکسیجن دی قلت تے کورونا صورتحال باعث تشویش اے ‘ شہبازشریف

اسلام آباد (پنجابی میڈیا گروپ) پاکستان مسلم لیگ (ن) دے صدر تے قائد حزب اختلاف شہبازشریف نے ملک وچ آکسیجن دی قلت وچ اضافے تے کورونا صورتحال تے تشویش دا اظہارکیتا اے۔ اک بیان وچ اوہناں نے آکھیا کہ بھارت ورغی بدقسمتی توں بچان لئی سارے فرفیقی دی مشاروت دے نال جامع ہنگامی حکمت عملی مرتب کیتی جاوے۔اوہناں نے آکھیا وائرس دی نئی اقسام تے ایہدے مہلک اثرات توں عوام نوں بچان لئی حکمت عملی نوں چنگا بنان اتے توجہ دتی جاوے۔ پچھلے وزیراعلیٰ پنجاب نے مزیدآکھیا ا ے کہ ساڈے دور سرکار وچ ڈینگی وباء توں نمٹن لئی وضع کیتی گئی کامیاب حکمت عملی دا ماڈل استعمال کیتا جا سکدا اے۔ اوہناں نے مزیدآکھیا اے کہ سرکار عوام الناس دی حفاظت لئی ویکسین دی فراہمی دے عمل نوں مزید تیزکرے۔ اپوزیشن لیڈر قومی اسمبلی شہبازشریف ہوراں نے مزیدآکھیا اے کہ سرکار عقل مندی دا مظاہرہ کردیاں ہویاں بلدیاتی اداریاں نوں فعال کرے تے کرونا وباء توں نمٹن وچ ایس ادارے تے ایہدے نمائندیاں کولوں مدد لوے۔

اپنا تبصرہ گھلو