16شہراں وچ فوج تعینات کردتی گئی:ڈی جی آئی ایس پی آر

راولپنڈی( پنجابی میڈیا گروپ)ڈی جی آئی ایس پی آر میجر جنرل بابر افتخار ہوراںآکھیا کہ عالمی وبا کورونا وائرس دے ودھدے خطرات دے پیش نظر ملک دے16متاثرہ شہراں وچ فوج نوں تعینات کر دتا گیا اے۔پاک فوج دے ترجمان میجر جنرل بابر افتخار دا میڈیا نوں بریفنگ وچ کہنا سی کہ پاکستان وچ کورونا وائرس دی تیجی خطرناک لہر جاری اے جس نال دن بدن موتاںودھ رہیاں نیں۔ پاکستان وچ کورونا دے90ہزار ایکٹو کیس موجود نیں۔میجر جنرل بابر افتخار داکہنا سی کہ عالمی بیماری دی صورتحال دے پیش نظر ملک دے13شہراں وچ فوج نوں تعینات کر دتا گیا اے۔ پاک فوج دے جوان ملک دے ہور قنون نافذ کرن والے اداریاں دی بھرپور مدد کرن گے۔اوہناں آکھیا کہ ملک وچ کورونا دی تیجی لہر نال پورا خطہ متاثر ہوئیا اے۔ ایس وقت آکسیجن دی پیداوار دا 75 فیصد شعبہ صحت لئی مختص اے۔ ملک وچ4ہزار300مریضاں دی حالت تشویشناک اے۔پاک فوج دے ترجمان نے واضح آکھیا کہ ملک وچ پاکستان فوج نوں سول اداریاں دی معاونت لئی طلب کیتا گیا اے۔ پشور، مردان، چارسدہ، لہور، فیصل آباد، سندھ، کراچی، حیدر آباد، کوئٹہ، آزاد کشمیر تے مظفر آباد وچ پازیٹو کیس انتہائی ودھ نیں۔

اپنا تبصرہ گھلو