سینیٹ وچ آرمی ایکٹ ترمیمی بل کثرات رائے نال منظور

اسلام آباد: آرمی ایکٹ ترمیمی بل نوں سینیٹ وچ وی کثرت رائے نال منظور کر لیا گیا۔

چیئرمین سینیٹ صادق سنجرانی دی زیر صدارت سینیٹ دا اجلاس ہویا جہدے وچ سینیٹر ولید اقبال نے پاکستان آرمی ایکٹ 1952ئ، پاکستان ایئر فورس 1953 تے پاکستان نیوی ایکٹ 1961ترمیمی بلز تے قائمہ کمیٹی دفاع دیاں رپورٹاں ایوان وچ پیش کیتیاں جہدے بعد وزیر دفاع پرویز خٹک نے سروسز ایکٹ ترمیمی بلز نوں ایوان وچ شق وار منظوری لئی پیش کیتا جہنوں کثرات رائے نال منظور کر لیا گیا۔

پاکستان مسلم لیگ ن تے پاکستان پیپلزپارٹی نے بلز دی منظوری وچ سرکار دا ساتھ دیتا جد کہ ترمیمی بلز دی منظوری دے خلاف جماعت اسلامی، نیشنل پارٹی تے پختونخوا ملی عوامی پارٹی دے ارکان نے احتجاج کیتا تے ایوان توں واک آؤٹ کیا۔ واضح روہے پچھلے دیہاڑ قومی اسمبلی وچ تناں مسلح افواج دے سربراہواں دی مدت ملازمت وچ وادھے بارے سروسز ایکٹ ترمیمی بلز کثرت رائے نال پہلاں ای منظور کیتے جا چکے نیں۔