پنجاب ایپکس کمیٹی ؛کورونا ایس او پیز اُتے سختی نال عمل کراں دا فیصلہ
لہور( پنجابی میڈیا گروپ) پنجاب ایپکس کمیٹی نے مارکیٹاں تے بازاراں نوں بند کرن دے وقت اُتے انتظامی اقدامات دے ذریعے سختی نال عمل درآمد کران دا فیصلہ کیتا اے۔
وزیر اعلی پنجاب سردار عثمان بزدار دی زیرصدارت کورونا وائرس نال نمٹن لئی صوبائی ایپکس کمیٹی دا اہم اجلاس ہوئیا جس وچ صوبائی وزیر قانون راجہ بشارت، صوبائی وزیر صحت ڈاکٹر یاسمین راشد، معاون خصوصی اطلاعات ڈاکٹر فردوس عاشق اعوان، چیف سیکرٹری، انسپکٹر جنرل پولیس، ایڈیشنل چیف سیکرٹری داخلہ، پرنسپل سیکرٹری وزیر اعلی، کور کمانڈر لہور لیفٹیننٹ جنرل محمد عبدالعزیز،جنرل آفیسر کمانڈنگ10ڈویژن میجر جنرل محمد انیق الرحمن ملک، ڈی جی رینجرز پنجاب میجر جنرل محمد عامر مجید تے ہوراں اعلی سول تے عسکری حکام نے رلت کیتی۔
اجلاس وچ کورونا دی تیجی لہر نال نمٹن لئی کیتے جان والے اقدامات دا جائزہ لیتا گیا تے کورونا دے مریضاں دے علاج لئی شاندار خدمات اُتے ہیلتھ پروفیشنلز نوں خراج تحسین پیش کیتا۔





















