چھوٹا جیا طبقہ ملکی وسائل اُتے قبضہ کر کے بیٹھا اے، وزیراعظم

کوئٹہ( پنجابی میڈیا گروپ) وزیراعظم عمران خان ہوراں آکھیا کہ چھوٹا جیاطبقہ ملکی وسائل اُتے قبضہ کر کے بیٹھا اے، ساڈے حکمراناں نے لندن وچ اوتھے اوتھے جائیداد لئی جتھے اوہناں دے وزیراعظم وی نہیں لے سکدے۔ کوئٹہ وچ تقریب نال خطاب کردیاں ہوئیاں آکھیا کہ اللہ تعالی اوس نوں عزت دیندا اے جیہڑا دُنیا لئی کجھ کردا اے، کامیابی تے عزت اللہ ولوں ملدی اے ، دُنیا اوہناں لوکاں نوں یاد کردی اے جیہڑے انسانیت لئی کجھ کرکے جاندے نیں، لیکن ماضی وچ ساڈے حکمراناں نے اوس ملک دا نہیں سوچیا، اک چھوٹا جیا طبقہ ملک دے وسائل اُتے قبضہ کر کے بیٹھا اے، ساڈے حکمراناں نے لندن دے امیر ترین علاقیاں وچ جائیداداں لیاں، لندن دے اوہناں علاقیاں وچ جائیداداں لیاں جتھے برطانوی وزیراعظم وی نہیں لے سکدا، مدینہ دی ریاست وچ ترقی دا ماڈل ایہ سی کہ اوہناں نے محل نہیں بنائے، پاکستان اوس وقت ترقی کرے گا جد تھلے والا طبقہ اُتے آئیگا۔

اپنا تبصرہ گھلو