آمدنی توں ودھ اثاثے:عدالت ولوں چودھری برادران دے خلاف انکوائری بند کرن دا حکم
لہور( پنجابی میڈیا گروپ)چودھری برادران لئی چنگی خبر کہ احتساب عدالت نے اوہناں دے خلاف آمدنی توں ودھ اثاثے دی انکوائری نوں بند کرن دا حکم دے دتا اے۔
احتساب عدالت دے ایڈمن جج شیخ سجاد احمد نے نیب دی انکوائری بند کرن دی درخواست اُتے سماعت کیتی۔ نیب نے چودھری پرویز الہی، چودھری شجاعت حسین تے مونس الہی سنے ہوراں فیملی ممبراں دے خلاف آمدنی توں ودھ اثاثے دی انکوائری بند کرن لئی عدالت نال رجوع کیتا ای۔درخواست وچ نیب لہور نے موقف اختیار کیتا کہ انکوائری وچ چودھری برادران دے خلاف ٹھوس ثبوت نہیں ملے۔ چودھری برادران دی فیملی دے اثاثے قنون دے مطابق نیں تے اوہناں وچ کوئی غیر قنونی کم نہیں پایا گیا۔نیب نے آکھیا کہ سارے اثاثے قومی اداریاں وچ چودھری برادران نے باقاعدہ شو کروائے تے اوہناں دا باقاعدگی نال ٹیکس وی ادا کر رہے نیں۔ نیب لہور نوں تحقیقات وچ ساریاں چیزاں قنون دے مطابق ملیاں نیں۔ عدالت چودھری برادران دے خلاف نیب لہور وچ جاری انکوائری نوں بند کرنے دا حکم دیوے،





















