این اے249وچ ووٹاں دی دوبارہ گنتی کا حکم
اسلام آباد( پنجابی میڈیا گروپ) الیکشن کمیشن نے قومی اسمبلی دے حلقہ این اے249وچ ووٹاں دی دوبارہ گنتی لئی مسلم لیگ(ن)دی درخواست منظور کرلئی۔
چیف الیکشن کمشنر دی سربراہی وچ چار رکنی کمیشن نے این اے249وچ دوبارہ ووٹاں دی گنتی لئی(ن)لیگ دے مفتاح اسماعیل دی درخواست اُتے سماعت کیتی۔ فریقین دے دلائل سنن توں بعد این اے249کراچی وچ دوبارہ گنتی دی درخواست منظور کرلئی گئی۔ الیکشن کمیشن نے آکھیاکہ این اے249وچ ووٹاں دی دوبارہ گنتی6مئی نوں صبح9وجے ہوئے گی۔
دوران سماعت مفتاح اسماعیل دے وکیل سلمان اکرم راجا نے موقف اختیار کیتا کہ وڈی تعداد وچ پریزائیڈنگ افسراں ولوں فارم45اُتے دستخط نہیں کیتے گئے،167پولنگ اسٹیشناں دے فارم45اُتے دستخط موجود نہیں سن، ساڈے پولنگ ایجنٹاں نوں فارم46وی جاری نہیں کیتے گئے، پریذائیڈنگ افسراں دستخط شدہ فارم45تے46پولنگ ایجنٹاںنوںفراہم کرن دے پابند نیں، تصدیق شدہ فارم45تے46نہ ہون نال پورا الیکشن مشکوک ہوگیا۔





















