بے نظیر انکم سپورٹ پروگرام، غیر مستحق بندیاں وچ گریڈ 17توں 21تک دے افسراں دے شامل ہون دا انکشاف

اسلام آباد: بے نظیر انکم سپورٹ پروگرام دے راہیں سہ ماہی وظیفہ لین والے غیر مستحق بندیاں وچ گریڈ 17توں 21تک دے افسراں دے شامل ہون دا انکشاف ہویا اے، درجناں نے اپنی بیگماں دے ناں رجسٹر کروا رکھے سن۔ مجموعی طور تے 2ہزار 543افسراں نوں بی آئی ایس پی دی فہرست توں کڈھیا گیا اے۔

سب توں ودھ بلوچستان تے سندھ دے افسراں نے بی آئی ایس پی دے راہیں رقماں وصول کیتیاں، گریڈ 21دے 3، گریڈ 20دے 59افسران سہ ماہی وظیفہ وصول کردے رہے جد کہ گریڈ 19دے 429افسران وی مستفید ہون والیاں وچ شامل سن۔

سندھ وچ گریڈ 18دے 342افسراں نے بے نظیر انکم سپورٹ پروگرام توں فائدہ چکیا، بی آئی ایس پی دے 6افسران وی سکیم توں مسفید ہوئے۔ گریڈ 17دے اک ہزار 240افسراں نے وی بہندی گنگا وچ ہتھ دھوئے۔ غیر مستحق بندیاں نوں بے نظیر انکم سپورٹ پروگرام توں کڈھن دا عمل جاری اے۔