وزیراعلی خیبرپختونخوا محمود خان نے موبائل کورونا ویکسی نیشن سروس دا افتتاح کر دتا

پشور( پنجابی میڈیا گروپ)وزیراعلی خیبرپختونخوا محمود خان نے موبائل کورونا ویکسی نیشن سروس دا افتتاح کر دتا۔60سال توں ودھ عمر دے شہریاں دی ویکسی نیشن کیتی جائے گی۔
ایس موقع اُتے وزیراعلی محمود خان دا کہنا سی کہ ابتدائی مرحلے وچ تین گڈیاں پشور دے مضافاتی علاقیاں وچ چلائیاں جان گیاں، موبائل ویکسی نیشن منصوبے نوں چھیتی ہوراں ضلعیاں تک توسیع دتی جائیگی، بزرگ شہری جہیڑے کہ ہسپتالاں تک نہیں جاسکدے یا کورونا پاروں ہسپتال نہیں جانا چاہندے، اوہناں دے اپنے علاقے وچ ویکسی نیشن کیتیجائے گی۔
وزیراعلی خیبر پختونخوا دا کہنا سی کہ صوبہ بھر وچ روزوار 25ہزار بندیاں دی کورونا توں بچا ویکسی نیشن کیتی جا رہی اے، آن والے مہینے لئی روزوار60ہزار بندیاں دی ویکسی نیشن دا ہدف مقرر اے، جس نوں آن والے وقت وچ1لکھ تک ودھایاجائے گا، ہن تک صوبہ بھر وچ ڈھائی لکھ توں ودھ شہریاں دی ویکسی نیشن کیتی جا چکی اے۔

اپنا تبصرہ گھلو