پی ایس ایل6دے باقی میچ یو اے ای وچ کران دا فیصلہ

لہور( پنجابی میڈیا گروپ)پاکستان کرکٹ بورڈ(پی سی بی)نے پاکستان سپر لیگ(پی ایس ایل6دے باقی دے میچ یو اے ای وچ کران دافیصلہ کر لیا اے۔
تفصیل دے مطابق ہن تک ٹورنامنٹ وچ14میچ کھیڈے جا چکے نیں جس دے بعد ایس وقت کراچی کنگز تے پشور زلمی پنج پنج میچ کھیڈن توں بعد چھ پوائنٹ نال پہلے تے دُوجے نمبر اُتے اے۔ جدکہ اسلام آباد یونائیٹڈ تے لہور قلندر دے وی چار چار میچ کھیڈن توں بعد چھ چھ پوائنٹ نیں تے اوہناں دی بالترتیب تیجی تے چوتھی پوزیشن اے۔
یاد رہے کہ پاکستان سپر لیگ سیزن6دا آغاز20فروری نوں کراچی توں ہوئیا سی تے اجے کراچی وچ ہون والے میچ جاری سن کہ چار مارچ نوں ٹورنامنٹ وچ شامل ست کھیڈاریاں تے عملے دے اراکاناں وچ کورونا دی تشخیص توں بعد ٹورنامنٹ نوں ملتوی کرن دا فیصلہ کیتا گیا سی۔