ماہرہ خان بوہت چھیتی بھارتی ڈرامے وچ نظر آئے گی
ممبئی( پنجابی میڈیا گروپ) مشہور پاکستانی اداکارہ ماہرہ خان بھارتی چینل زی ٹی وی دی ڈرامہ سیریز وچ نظر آئے گی۔
بھارتی چینل زی ٹی وی انتظامیہ دے مطابق پاکستانی اداکارہ ماہرہ خان زی چینل دی آن والی نویں ڈرامہ سیریز یار جولااے وچ نظر آئے گی، ڈرامہ12قسطاں اُتے مشتمل اے تے پہلی قسط15مئی نوں ٹاٹا اسکائی تھیٹر وچ پیش کیتی جائے گی جس وچ ماہرہ خان پاکستانی شاعر احمد ندیم قاسمی دا کلام پڑھے گی، ڈرامہ سیریز وچ کئی شاعراں دیاں نظماں نوں پڑھ کے اوہناں نوں خراج عقیدت پیش کیتا جائے گا۔
یاد رہے کہ اداکارہ ماہرہ خان بھارت وچ آخری وار شاہ رخ خان دی فلم رئیس وچ نظر آئی سی جد کہ پچھلے کجھ سالاں توں مودی حکومت دی انتہاپسندی تے پاکستان نفرت پاروں پاکستانی اداکاراں دے بھارت وچ کم کرنے اُتے پابندی عائد کیتی جاچکی اے۔
