باہر دے ملک رہن والے پاکستانیاں نوں ووٹ دا حق مل گیا :آرڈیننس جاری

اسلام آباد( پنجابی میڈیا گروپ)صدر مملکت ڈاکٹر عارف علوی نے الیکشن ترمیمی آرڈیننس جاری کر دتا۔
تفصیل دے مطابق صدر مملکت ڈاکٹر عارف علوی نے آئین دے آرٹیکل89دے تحت الیکشن(دُوجا ترمیمی)آرڈیننس2021جاری کردتا، الیکشن ایکٹ2017دے سیکشن(1)94تے سیکشن103وچ ترمیم کیتی گئی سیکشن (1)94دے تحت سمندر پار پاکستانیاں نوں ووٹ دا حق دتا گیا۔
آرڈیننس دے مطابق الیکشن کمیشن نادرا یا کسی ہور اتھارٹی یا ایجنسی دی تکنیکی معاونت دے عام الکشنان وچ سمندر پار پاکستانیاں نوں ووٹ پان دے قابل بنائے گا، سیکشن103دے تحت الیکشن کمیشن عام الکشناں وچ ووٹ پان لئی الیکٹرانک ووٹنگ مشینیں خریدن داوی پابند ہوئے گا۔

اپنا تبصرہ گھلو