اسرائیلی بمباری : اسلامی یونیورسٹی دی عمارت تباہ، شہادتاں210توں ودھ گیاں
غزہ( پنجابی میڈیا گروپ) اسرائیل دے راکٹ حملیاں وچ اسلامی یونیورسٹی دی اک عمارت مکمل طور اُتے تباہ ہوگئی جد کہ مسلسل8دناں توں جاری بمباری وچ شہادتاں دی تعداد212ہوگئی جد کہ حماس دے اسرائیل اُتے راکٹ حملے وچ10اسرائیلی وی ہلاک ہوئے۔
عالمی خبر رساں ادارے دے مطابق غزہ اُتے اسرائیل دی بمباری مسلسل آٹھویں دن وی جاری رہی۔ راکٹ حملیاں وچ اسلامی یونیورسٹی دی اک عمارت مکمل طور اُتے تباہ ہوگئی۔ خوش قسمتی نال حملے دے وقت طالب علم تے عملہ یونیورسٹی وچ موجود نہیں سی۔
غزہ وچ آٹھ دناں توں جاری اسرائیل دی بمباری وچ شہادتاں دی تعداد212ہوگئی،شہید ہون والیاں وچ61بال،35عورتاں تے16 بزرگ شامل نیں جد کہ1400توں ودھ زخمی نیں۔ اسرائیلی حملیاں وچ میڈیا ہاوسز سنے3کثیر المنزلہ عمارتاں مکمل طور اُتے تباہ ہوگیاں۔
Load/Hide Comments





















