پنجاب: کورونا تے قابو پان لئی ویکسی نیشن تیز کرن دا فیصلہ
لہور( پنجابی میڈیا گروپ) پنجاب حکومت نے کورونا تے قابو پان لئی ویکسی نیشن دا عمل تیز کرن دا فیصلہ کیتا اے۔ پنجاب وچ لاک ڈاؤن مگروں کورونا دی صورتحال دا جائزہ لین لئی لہور وچ اعلیٰ سطح دا اجلاس ہویا جہدے وچ صوبائی وزیراں راجہ بشا رت، ڈاکٹر یاسمین راشد تے چیف سیکرٹری پنجاب سمیت متعلقہ حکام نے رلت کیتی۔ اجلاس نوں دسیا گیا کہ پچھلے 24گھنٹیاںدے دوران 97ہزار توں ودھ بندیاں نوں ویکسین لائی گئی جد کہ اجلاس وچ ویکسی نیشنل دا عمل وی تیز کرن د فیصلہ کیتا گیا۔ اجلاس وچ گل کردیاں وزیر صحت یاسمین راشد آکھیا لاک ڈاؤن دے دوران احتیاطی تدابیر تے عملدرآمد دا مثبت نتیجہ آ رہیا اے، کوروناتوں تحفظ لئی پنجاب وچ چار کروڑ دے نیڑے آبادی نوں ویکسین لانا ہووے گی۔
Load/Hide Comments





















