نیب ولوں کیپٹن(ر)صفدر دے خلاف تحقیقات بند کرن دی منظوری

اسلام آباد( پنجابی میڈیا گروپ) نیب ولوں کیپٹن(ر)صفدر، امان اللہ جدون تے ہوراں دے خلاف تحقیقات عدم ثبوت اُتے بند کرن دی منظوری دے دتی۔
چئیرمین جسٹس نیب جاوید اقبال دی زیرصدارت قومی احتساب بیورو دے ایگزیکٹو بورڈ دا اجلاس ہوئیا، جس وچ این ایچ اے دے افسراں، اہلکاراں، کیپٹن(ر)صفدر اعوان ، پاک پی ڈبلیو ڈی دے افسراں، اہلکاراں تے ہوراں، محمد ارسلہ خان تے ہوراں، سابق آئی جی ڈاکٹر مجیب الرحمان تے ہوراں دے خلاف انکوائریاں، سابق وزیر پیٹرولیم امان اللہ خان جدون تے ہور جد کہ گلیات ڈویلپمنٹ اتھارٹی دے افسراں، اہلکاراں تے ہوراں دے خلاف انوسٹی گیشن ہن تک دے عدم ثبوت دی بنیاد اُتے قنون دے مطابق بند کرن دی منظوری دتی گئی۔

اپنا تبصرہ گھلو