پنجاب وچ کسی دے خلاف انتقامی کارروائی کیتی، نہ کراں گے: عثمان بزدار

لہور( پنجابی میڈیا گروپ)وزیراعلی عثمان بزدار ہوراں آکھیا کہ پنجاب وچ کسی دے خلاف انتقامی کارروائی کیتی، نہ کراں گے، حکومت دا دامن صاف اے، جِیتھے وی خرابی نظر آئی، فوری ایکشن لیا۔
وزیراعلی عثمان بزدار نال راولپنڈی توں تعلق رکھن والے اراکانِ صوبائی اسمبلی نے ملاقات کیتی، جس وچ حلقیاں دے مسائل دے حل لئی کیتے جان والے اقدامات اُتے گل بات کیتی گئی۔ ملاقات وچ ترقیاتی سکیماں تے فلاح عامہ دے جاری منصوبیاں اُتے ہون والی پیش رفت اُتے وی تبادلہ خیال کیتا گیا۔ اراکانِ اسمبلی نے وزیراعلی نوں حلقیاں دے مسائل توں آگاہ کیتا۔ وزیراعلی عثمان بزدار نے راولپنڈی دے حلقیاں دے مسائل حل کر لئی موقع اُتے ہی احکامات جاری کیتے۔
ایس موقع اُتے عثمان بزدار ہوراں آکھیا کہ اراکانِ اسمبلی دی عزت میری عزت اے، منتخب نمائندیاں دے حلقیاں وچ ترجیحی بنیاداں اُتے کم ہوں گے، راولپنڈی سنے ہر شہر دا علیحدہ ڈویلپمنٹ پیکیج تیار کیتا گیا اے، پہلی وار ہر شہراں دی ضروریات تے ترجیحات نوں مد نظر رکھ کے فلاح عامہ دے منصوبے شروع کیتے نیں۔

اپنا تبصرہ گھلو