جہانگیر ترین بجٹ وچ عمران خان نوں ووٹ دین گے: شیخ رشید
راولپنڈی( پنجابی میڈیا گروپ)شیخ رشید ہوراں آکھیاکہ جہانگیر ترین بجٹ وچ عمران خان نوں ووٹ دین گے، پارٹی وچ چھوٹے موٹے اختلافات ہندے رہندے نیں، جمعہ نوں لال حویلی دے باہر فلسطین نال یکجہتی لئی جلسہ ہوئے گا۔
وفاقی وزیر داخلہ شیخ رشید نے ڈاکٹر فیصل سلطان دے نال راولپنڈی وچ میڈیا نال گل بات کر دئیاں آکھیا کہ ساڈے دو وڈے پراجیکٹ نیں، اک نالہ لئی تے دُوجا مدر اینڈ چائلڈ ہسپتال اے، ایہ دونوں بن گئے تے راولپنڈی مکمل ہو جائے گا، ڈاکٹر فیصل دا مشکور واں، اوہ ماں بچہ ہسپتال ویکھن لئی آئے، کینسر دا وی اک ڈیپارٹمنٹ ہوئے گا،16سال توں جیہڑا کم روکیا ہوئیا سی، اوہ2سال وچ80فیصد تک مکمل کیتا،6مہینے دے اندر کوشش کراں گیکہ اک او پی ڈی چل جائے، مشینری نوں100بیڈاں نال چلا دیں، انگریز دور توں بعد ایہ ماڈرن ہسپتال ہوئے گا،
Load/Hide Comments





















