جہانگیر ترین گروپ نال کوئی لینا دینا نہیں، ایہ پی ٹی آئی دا اندرونی معاملہ اے
چارسدہ( پنجابی میڈیا گروپ)شہباز شریف ہوراں آکھیا کہ جہانگیر ترین گروپ نال کوئی لینا دینا نہیں، ایہ تحریک انصاف دا اندرونی معاملہ اے، مسلسل جیلاں کٹ رہے نیں، کیا ایہ ڈیل اے ؟ عمران خان دے حکم اُتے جیل وچ ناروا سلوک کیتا گیا۔ اپوزیشن لیڈر شہباز شریف نے میڈیا نال گفتگو کردئیاں ہوئیاں آکھیا کہ ملکی معیشت دا بیڑہ غرق کر دتا گیا، مہنگائی نال عوام دی زندگی اجیرن بنا دتی گئی، حکومت نے مہنگائی تے بے روزگاری ودھا دتی اے، ویکسین تے مہنگائی دا نام لین اُتے چور ڈاکو آکھیا جاندا اے۔اوہناں داکہنا سی کہ رنگ روڈ سکینڈل دے کردار ساہمنے آچکے، عمران خان نے آپئی رنگ روڈ منصوبے وچ توسیع دی اجازت دتی، پہلے توسیع دی منظوری دتی تے بعد وچ شور مچایا، ن لیگ نے رنگ روڈ سکینڈل اُتے واضح موقف اپنایا۔
Load/Hide Comments





















