ملازماں لئی وڈی خبر،وزیراعلی پنجاب نے تنخواہواں ودھان دی منظوری دے دتی
لہور( پنجابی میڈیا گروپ)سرکاری ملازماں دیاں تنخواہواں وچ تفاوت دور کرن لئی وزیراعلی پنجاب نے قابل تحسین فیصلہ کردئیاں ہوئیاں تنخواہواں ودھان دی منظوری دے دتی اے۔
تفصیل دے مطابق وزیراعلی عثمان بزدار دیزیر صدارت سرکاری ملازماں دیاں تنخواہواں وچ فرق دور کرن لئی خصوصی کمیٹی دا اجلاس ہوئیا جس وچ صوبائی وزیر راجہ محمد بشارت، میاں محمد اسلم اقبال، ہاشم جواں بخت، سید حسین جہانیاں گردیزی، پرنسپل سیکرٹری وزیراعلی، ایڈیشنل چیف سیکرٹری، سیکرٹری فنانس تے ہوراں حکام نے رلت کیتی۔
وزیراعلی عثمان بزدار نے15تے10فیصد سپیشل الائونس دی تجویز مسترد کردئیاں ہوئیاں ہدایت جاری کیتی اے کہ سرکاری ملازمان نوں25فیصد سپیشل الانس دتا جائے۔
وزیراعلی عثمان بزدار دی ہدایت اُتے گریڈ1توں19تک7لکھ21ہزار توں ودھ صوبائی ملازماں نوں سپیشل الائونس دتا جائے گا۔ پہلے توں سپیشل ایگزیکٹو الائونس لین والے ملازم ایس توں فائدہ نہیں چُک سکنگے۔ اگلے مہینے جون وچ سپیشل الائونس تنخواہواں وچ شامل کر دتا جائے گا۔





















