لہور: قبضہ مافیا دے خلاف کریک ڈان، محکمہ کوآپریٹو دی ارباں دی زمین واگزار

لہور( پنجابی میڈیا گروپ)لہور وچ ڈیفنس دے نیڑے موضع جلال پورہ دے کول کارروائی کردئیاں ہوئیاں محکمہ کوآپریٹو دی ارباں روپے مالیت دی440کنال زمین واگزار کروا لئی گئی۔ محکمہ کوآپریٹو نے واگزار کروائی گئی اراضی دا کنٹرول لے لیا۔
وزیراعلی پنجاب عثمان بزدار دا کہنا اے کہ قبضہ مافیا ناسور اے، ماضی وچ سرکاری سرپرستی اندر قبضہ مافیا نوں تحفظ دتا گیا، سابق ادوار وچ قبضہ مافیا سرکاری زمین اُتے ہتھ صاف کردا رہیا تے حکمراناں نے آکھاں بند رکھیاں۔
عثمان بزدار نے ہور آکھیا کہ وزیراعظم عمران خان دا شفاف پاکستان حقیقت وچ بدل رہیا اے، سرکاری اراضی اُتے قبضہ کرن والیکسی رعایت دے حق دار نہیں، قبضہ مافیا دے خلاف زیروٹالرنس دی پالیسی اُتے عمل پیرا نیں، قیمتی سرکاری اراضی نوں قبضہ مافیا توں محفوظ بناواں گے، قبضہ مافیا دی سرکوبی لئی آخری حد تک جاواں گے۔

اپنا تبصرہ گھلو