فواد چوہدری دے اعزاز وچ جہانگیر ترین گروپ دا ظہرانہ
لہور( پنجابی میڈیا گروپ) حکومت دی جہانگیر خان ترین گروپ دے نال افہام و تفہیم دی کوشش جاری اے۔
صوبے دے بعد مرکز وچ وی معاملات بہتر بنان تے نراض گروپ نال مفاہمت لئی وفاقی وزیر میدان وچ اُتر آئے۔
وفاقی وزیر برائے اطلاعات فواد چوہدری تے عامر کیانی سر گرم ہوگئے۔ وفاقی وزیرفواد چوہدری ملک نعمان لنگڑیال دے گھر ظہرانے اُتے پہنچ گئے جیتھے اوہ جہانگیر خان ترین گروپ دے اراکاناں نال ملاقات کرن گے، جس وچ گروپ دے سارے تحفظات تے ہور معاملیاںاُتے تبادلہ خیال کیتا جائے گا۔ وفاقی وزیر اطلاعات وزیراعظم ہائوس تے جہانگیر خان ترین گروپ دے درمیان رابطے دا کردار ادا کرن گے۔
عون چوہدری، پنجاب اسمبلی دے رکن چوہدری آصف، اجمل چیمہ، ایم پی اے خرم لغاری، ایم پی اے سعید اکبر نوانی، اجمل چیمہ،نیر چوہان، عمر آفتاب، ایم پی اے چوہدری آصف مجید سنے جہانگیرترین گروپ دے اراکان اسمبلی ظہرانے وچ ملک نعمان لگڑیال دے گھر پہنچ گئے۔
وزیر اطلاعات فواد چوہدری تے عامر کیانی دے اعزاز وچ جہانگیر ترین گروپ ولوں ظہرانے دا اہتمام کیتا گیا اے۔





















