کوئٹہ: بشیر چوک دے نیڑے دھماکا، سیکیورٹی اہلکار تے بالاں سنے5 افراد زخمی

کوئٹہ( پنجابی میڈیا گروپ)کوئٹہ دیعلاقے بشیر چوک دے نیڑیدھماکے وچ سیکیورٹی اہلکار تے بالاں سنے5افراد زخمی ہوگئے۔دھماکا قمبرانی روڈ اُتے بشیر چوک دے نیڑے ہوئیا، جس دے نتیجے وچ اک سیکیورٹی اہلکار تے11سالہ بال سنے5افراد زخمی ہوئے، جنہاں نوں ایدھی ایمبولینس دے ذریعے سول ہسپتال منتقل کیتا گیا۔ پولیس دے مطابق آئی ای ڈی دھماکہ سی، جس وچ دھماکہ خیز مواد روڈ کنارے نصب کیتا گیا سی۔ دھماکے توں بعد پولیس تے ایف سی اہلکاراں نے علاقے نوں گھیرے وچ لے لیا۔ بم ڈیسپوزل ٹیم تے تحقیقاتی اداریاں نے شواہد اکھٹے کر لئے، ہور کاروائی جاری اے۔ سکیورٹی اداریاں نے آسے پاسے سیلوکاںتوں پُچھ گچھ شروع کر دتی جدکہ وزیر اعلی بلوچستان، صوبائی وزیر داخلہ نے واقعہ دی مذمت کردئیاں ہوئیاں تحقیقاتی رپورٹ منگ لئی۔

اپنا تبصرہ گھلو