مرغی تے گوشت افغانستان ایکسپورٹ کرن اُتے پابندی

پشور( پنجابی میڈیا گروپ) ہائیکورٹ نے مرغی تے گوشت افغان ایکسپورٹ کرن اُتے پابندی لا دتی
ہائیکورٹ وچ پولٹری دی قیمت ودھن بارے کیس دی سماعت ہوئی۔ عدالت نے سارے ضلعیاں دے ڈپٹی کمشنراں نوں ایس حوالے نال ضروری اقدامات کرن دی ہدایت کردتی۔
سیکرٹری فوڈ، اسپیشل سیکرٹری ایگریکلچر، فوڈ کمیشن دے وفاقی کمشنر، ڈی سیز، اے جی تے اے اے جی عدالت وچ پیش ہوئے۔
چیف جسٹس قیصر رشید خان نے ریمارکس دتے کہ تُسی لوگ مل بیٹھ کے ایس دا کوئی حل کڈن تے جیہڑی پولٹری فارمنگ اے ایسدی بہتری لئی اقدامات کرن، مرغی تے گوشت دی قیمت عوام دی پہنچ توں دور ہندی جارہی اے کوئی خرید ہی نہیں سکدا، صورتحال دن بہ دن خراب ہندی جارہی اے، وفاقی تے صوبائی حکومت کیہ کر رہی اے، قیمتاں ودھ ر ہیاں نیں تے حکومت خموش بیٹھی اے، چینی مافیا، آٹا مافیا توں بعد لگ رہیا اے کہ ہن گوشت تے مرغی مافیا سرگرم ہوگیا اے۔

اپنا تبصرہ گھلو