طیبہ تشدد کیس: سابق جج راجہ خرم دی 3سال دی سزا کالعدم، اک سال دی سزا برقرار
اسلام آباد: سپریم کورٹ نے طیبہ تشدد کیس وچ سابق جج راجہ خرم دی تن سال دی سزا کالعدم قرار دیندیاں اک سال دی سزا برقرار رکھی۔
سپریم کورٹ دے جج جسٹس اعجاز الحسن نے طیبہ تشدد کیس وچ ملزماں دی اپیلاں تے فیصلہ سنایا۔ عدالت نے ملزمان راجہ خرم تے ماہین ظفر دی ٹرائل کورٹ دی دتی گئی اک اک سال دی سزاواں بحال کر دتیاں۔ عدالت نے سزاواں وچ ہور وادھے دی حکومتی اپیل تے ملزمان نوں نوٹس جاری کر دتے۔
عدالت نے نوٹس آرٹیکل 187دا خصوصی اختیار استعمال کردیاں آکھیا ملزمان دی سیکشن 328اے دے تحت سزا دے خلاف اپیلاں زیر التوا اے ایس لئی اڈیالہ جیل انتظامیہ ملزمان نوں عدالتی نوٹس توں آگاہ کرے۔ عدالت نے قرار دتا رجسٹرار دفتر ملزمان نوں نوٹس موصول ہوندیاں ای اپیل سماعت لئی مقرر کرے۔
