جہانگیر ترین توں بعد تحریک انصاف دا اک ہور گروپ ساہمنے آگیا
لہور( پنجابی میڈیا گروپ) جہانگیر ترین گروپ توں بعد تحریک انصاف دا اک ہور گروپ وی ساہمنے آیا اے جس وچ15ارکان شامل نیں۔
میڈیا دے مطابق جہانگیر ترین گروپ توں بعد تحریک انصاف دا ہم خیال گروپ وی حرکت وچ آگیا اے، تے پچھلی رات ہم خیال گروپ دے15توں ودھ اراکان نوں عشائیہ دتا ۔
ذرائع دے مطابق عشایئے وچ سردار شہاب الدین خان، ملک غضنفرعباس چھینہ، سردار محی الدین خان کھوسہ، عامر عنایت خان شاہانی، اعجاز سلطان بندیشہ، نواب علی رضا خان خاکوانی، تیمور امجد لالی، بلال اصغر وڑائچ، کرنل(ر)غضنفرعلی شاہ، اعجازخان جازی، فیصل فاروق چیمہ، گلریز افضل چن، علی اصغر خان لاہڑی تے احسن جہانگیر بھٹی وی رلت کیتی۔
ذرائع نے دسیا کہ عشایئے وچ سارے اراکاناں بجٹ وچ ہم خیال گروپ لئی ترقیاتی اسیکماں شامل نہ کرن اُتے شکوے تے شکایات کے انبار لگادتے، لیکن ایس بیٹھک وچ فیصلہ ہوئیا کہ گروپ اپنے سارے تحفظات وزیراعلی پنجاب عثمان بزدار دے ساہمنے رکھے گا، تے ایس تون بعد آئندہ دا لائحہ عمل طے کیتا جائے گا۔





















