سرکاری ملازماں دیاں تنخواہواں10فیصد ودھان اُتے سوچ وچار

اسلام آباد(پنجابی میڈیا گروپ )وفاقی حکومت ولوں نویں مالی سال دا بجٹ22ـ2021ئ11جون نوں پیش کیتے جان دا امکان اے۔حکومت نے بجٹ وچ سرکاری ملازماں دیاں تنخواہواں10فیصد ودھان اُتے سوچ وچارشروع کر دتا اے، ایس سلسلے وچ صوبیاں توں مشورہ لیتا جا رہیا اے۔وفاقی حکومت نے سرکاری ملازماں دیاں تنخواہواں10فیصد ودھان لئی صوبائی حکومتاں نال رابطہ کر لیا اے۔ذرائع دے مطابق حکومتِ پنجاب نے تنخواہواں10فیصد ودھان دی حمایت کیتی اے۔حکومتِ پنجاب دا کہنا اے کہ اگر وفاقی حکومت پنجاب نوں ودھ فنڈز دیوے تے اوہ تنخواہواں 10فیصد کر سکے گی۔پنجاب حکومت نے ایہ موقف پیش کیتا اے کہ اوہ پہلے ہی سیکریٹریٹ ملازماں نوں ایگزیکٹو الائونس دے رہی اے جدکہ ہوراں ملازماں نوں25فیصد الائونس یکم جون توں ادا کرنا اے۔

اپنا تبصرہ گھلو