مسئلہ فلسطین اُتے چُپ اقوامِ متحدہ دی ساکھ نوں نقصان پہنچا رہی اے، صدر جنرل اسمبلی

اسلام آباد( پنجابی میڈیا گروپ) اقوامِ متحدہ دی جنرل اسمبلی دے صدر وولکن بوزکر دا کہنا اے کہ فلسطین دے اہم معاملے اُتیچُپ اقوامِ متحدہ تے سیکورٹی کونسل دی ساکھ نوں نقصان پہنچا رہی اے۔
نیشنل ڈیفنس یونیورسٹی اسلام آباد وچ تریخی خطاب کردئیاں ہوئیاںاقوامِ متحدہ دی جنرل اسمبلی دے صدر وولکن بوزکر دا کہنا سی کہ کورونا نے پوری دنیا وچ وڈے، معاشرتی، سیاسی تے معاشی مسئلیاں نوں جنم دتا، جناں دا حل سانجھے لائحہ عمل نال ہی ممکن اے، ایہناں حالات وث ممبر ملکاں نوں اکھٹا رکھنا وڈا چیلنج سی، کورونا ویکسین امیر تے غریب ملکاں دی یکساں ضرورت اے، کورونا نوں ختم کرن لئی پاکستانی حکومت نے جو کجھ کیتا ایس اُتے میں اوہناں نوں خراجِ تحسین پیش کرنا واں، پچھلے سال جد میں ایتھے آیا تے پاکستان دی صورتحال کافی بہتر سی، پاکستانی حکومت دے اقدامات نال حوصلہ افزا نتائج آرہے نیں، میں خوش آں کہ پاکستان مریضاں دی تعداد گھٹتے لوکاں دیاں جاناں بچان لئی موئثر کم کر رہیا اے۔