بجٹ وچ ملازماں دیاں تنخواہواں ودھایاںجان گیاں

اسلام آباد(پنجابی میڈیا گروپ) وزیراعظم دے معاون خصوصی برائے ریونیو ڈاکٹر وقار مسعود ہوراںآکھیاکہ ایس بجٹ وچ ملازماں دیاں تنخواہواں ودھائیاں جان گیاں
فیض اللہ کموکا دی زیرصدارت قائمہ کمیٹی برائے خزانہ دا اجلاس ہوئیا جس وچ وزیراعظم دے معاون خصوصی برائے ریونیو ڈاکٹر وقار مسعود نے دسیاکہ آئی ایم ایف دے نال نویں مالی سال دے بجٹ اُتے کم کررہے نیں، اتفاق رائے نالایس بجٹ نوں حتمی شکل دتی جائے گی۔اوہناں آکھیا کہ ایس بجٹ وچ ملازماں دیاں تنخواہواں ودھائیاں تے ایس مالی سال جی ڈی پی گروتھ دا ہدف5فیصد رکھیا گیا اے، بجٹ وچ مہنگائی دا ہدف8.2فیصد تے بجٹ خسارہ6.3فیصد رکھیا گیا اے جد کہ ملکی مجموعی قرضہ جی ڈی پی اے81.4فیصد دا تخمینہ لگایا گیا اے، ملکی معیشت دا حجم54ہزار341ارب ہون دا تخمینہ لگایا گیا اے۔
وقار مسعود نے دسیا کہ آئی پی پیز دیاں ادائیگیاں تے پاور سیکٹر لئی سبسڈیز جاری رہین گیاں۔ مالی سال2021-22وچ7ہزار 989ارب روپے گراس ریونیو دا ہدف رکھیا گیا اے، ایس مالی سال دا مالیاتی خسارہ جی ڈی پی دا7.3فیصد اے، ایس مالی سال4100ارب روپے ٹیکس اکٹھا کیتا گیا، اُمید اے ایس مالی سال4700ارب روپے ٹیکس اکٹھا ہوئے گا۔

اپنا تبصرہ گھلو