گرمیاں دیاں چھٹیاں صرف دو تا تین ہفتیاں لئی ہوں گی:مراد راس

لہور( پنجابی میڈیا گروپ)صوبائی وزیر تعلیم ڈاکٹر مراد راس دا کہنا اے کہ ایس وار گرمیاں دیاں چھٹیاں صرف دو یا تین ہفتیاں لئی ہوں گیاں۔
صوبائی وزیر صحت ڈاکٹر یاسمین راشد تے وزیر تعلیم ڈاکٹر مراد راس نے گورنمنٹ پائلٹ ہائر سیکنڈری سکول وحدت روڈ وچ ویکسی نیشن سنٹر دا افتتاح کیتا۔ سی ای او ایجوکیشن پرویز اختر نے ویکسین لگوائی۔ ایس موقع اُتے مراد راس نے آکھیا کہ7جون توں سکول کھولے جا رہے نیں، ایس سال گرمیاں دیاںچھٹیاں صرف دو یا تین ہفتیاں لئی ہوں گی۔
صوبائی وزیر تعلیم ڈاکٹر مراد راس دا ہور آکھیا کہ لہور وچ16ہزار استاداں جبکہ4ہزار نان ٹیچنگ سٹاف نوں ویکسین لگائی جائے گی۔ ڈاکٹر مراد راس نے محکمہ صحت دی کارکردگی نوں خوب سراہیا تے آکھیا کہ ایس وار وی محکمہ صحت نوں ودھ بجٹ مل جائے گا۔