کاش سونو سود بھارت دا وزیر اعظم ہندا: ہما قریشی

ممبئی(پنجابی میڈیا گروپ)بالی وڈ اداکارہ ہما قریشی نے اداکار سونو سود نوں بھارتی وزیراعظم ویکھندی خواہش کیتی
ہما قریشی نے بھارتی میڈیا نوں دتے گئے ورچوئل انٹرویو وچ ایس خواہش دا اظہار کیتا۔
ہما قریشی دا ایہ انٹرویو سوشل میڈیا اُتے وائرل ہورہیا اے جس وچ اداکارہ توں سوال کیتا گیا کہ اوہناں دی نظر وچ کیہڑا بھارتی اداکار چنگا سیاستدان ثابت ہوسکدا اے؟
ایس دا جواب دیندیاںاداکارہ نے آکھیا کہ میرا خیال اے کہ سونو سود نوں الیکشن لئی کھڑا ہونا چاہیدا اے تے اسیں سارے سونو نوں ووٹ دیاں گے۔
اوہناں آکھیا کہ اسیں اوہناں نوں بھارت دا وزیراعظم ویکھنا چاہندے آں،میں تے لازمی سونو نوں ووٹ دیاں گی۔
خیال رہے کہ اداکارہ ہما قریشی گینگز آف واسیپور،ڈیڑھ عشقیہ تے جولی ایل ایل بی2’ورگیاںمشہور فلماں وچ اداکاری دے جوہر وکھاچکی اے۔