سازشی تنقید ہی کردے رہین گے، پنجاب اگے ودھدا جائیگا:عثمان بزدار
لہور( پنجابی میڈیا گروپ)وزیراعلی عثمان بزدار ہوراں آکھیا کہ جنوبی پنجاب دی عوام لئی ترقی دے رستے کھل چکے نیں، سازشی عناصر تنقید کردے رہ جان گے تے پنجاب اگے ودھدا جائے گا۔
وزیراعلی پنجاب عثمان بزدار نال چیف وہیپ قومی اسمبلی ملک عامر ڈوگر نے ملاقات کیتی، پی ٹی آئی ایم این اے نے ملتان وچ جنوبی پنجاب سیکرٹریٹ دا سنگ بنیاد رکھن تے ملتان ڈویلپمنٹ پیکیج اُتے عثمان بزدار دا شکریہ ادا کیتا۔
ایس موقع اُتے عثمان بزدار دا کہنا سیکہ آئندہ مالی سال توں جنوبی پنجاب لئی علیحدہ سالانہ ترقیاتی پروگرام ترتیب دتا جائے گا، سالانہ ترقیاتی پروگرام دے فنڈاں نوں کسی تے مقصد یا کسی ہور شہر منتقل نہیں کیتا جا سکے گا، ملتان توں بعد بہاولپور وچ وی چھیی سیکرٹریٹ دا سنگ بنیاد رکھیا جائے گا، جنوبی پنجاب سیکرٹریٹ وچ تعینات افسراں نوں مالی تے انتظامی خود مختاری دتی اے۔
