پنجاب پولیس وچ وڈے پیمانے اُتے اعلی افسراں دے تبادلے
لہور( پنجابی میڈیا گروپ) پنجاب وچ ایس ایس پیز سنے48پولیس افسراں دے تبادلے کردتے گئے۔
نوٹیفکیشن دے مطابق علی جاوید انور ملک ایڈیشنل ڈائریکٹر ایس پی یو، ڈی پی او حافظ آباد محمد رضوان اے آئی جی کمپلینٹس ہیڈ کوارٹر تے رانا محمد معصوم نوں ڈی پی او حافظ آباد لا دتا گیا۔
ایس ایس پی ایم ٹی منتظر مہدی چیف ٹریفک آفیسر لہور، سی ٹی او لہور حماد عابد ایس ایس پی ایم ٹی پنجاب، عثمان اعجاز باجوہ ایڈیشنل ڈائریکٹر ساوتھ ایس پی یو، ایس ایس پی حسن اسد علوی اے آئی جی انسپیکشن تے ایس ایس پی امیر عبداللہ نیازی ڈی پی او وہاڑی لا دتا گیا جدکہ ڈی پی او زاہد نواز مروت نوں سینٹرل پولیس آفس رپورٹ کرن دا حکم دتا گیا اے۔
ایس دے علاوہ کیپٹن(ر)منصور اعوان ایس ایس پی انویسٹی گیشن لہور، صادق حسین اے آئی جی آپریشنز ساتھ پنجاب ملتان، ایس پی سی آر او عثمان طارق بٹ ڈپٹی ڈائریکٹر ہیڈ کوارٹر ایس پی یو، اے آئی جی آر این ڈی محمد عمران ایس پی سی آر او لہور، آصف صدیق ایس پی ٹریفک لہور، محمد اسلم خان ایس پی سکیورٹی3لہور، تیمور خان ایس پی سکیورٹی راولپنڈی، غلام مصطفی گیلانی ایس پی انویسٹی گیشن نارووال، عبدالطیف طاہر بٹالین کمانڈر پی سی فیصل آباد، ناصر محمود باجوہ ایس پی انوسٹی گیشن ٹوبہ ٹیک سنگھ تے رضوان طارق ایس پی جڑانوالہ ڈویژن فیصل آباد لا دتیگئے نیں۔
