میں نے سڑک اُتے خلائی مخلوق نوں ویکھیا
ممبئی( پنجابی میڈیا گروپ)بھارت دی متنازع اداکارہ راکھی ساونت دا کہنا اے کہ اوہناں نے بھارت وچ خلائی مخلوق نوں ویکھیا اے۔
انسٹاگرام اُتے راکھی نے اک ویڈیو شیئر کردئیاں دعویٰ کیتا کہ اوہناں نے سڑک اُتے خلائی مخلوق نوں ویکھیا اے۔
پچھلے دناںراکھی ولوں اک ایڈیٹ ویڈیو شیئر کیتی گئی جس وچ اداکارہ دا کہنا اے کہ دوستو میں اک خلائی مخلوق بن گئی آں، میریاں آکھاںویکھو میرے اندر اک طاقت آرہی اے ، کیہ ہوگیا اے مینوں۔
ویڈیو ویکھ کہ اندازہ لگایا جاسکدا اے کہ راکھی نے بظاہر ایہ ویڈیو اک نویں فیچر اُتے بنائی اے جیہڑی کہ لوکاںنوں لطف اندوز ہون کرن لئی شیئرکیتی گئی اے۔
