حکومت مہنگائی دا جِن قابو کرن وچ نکام
لہور( پنجابی میڈیا گروپ)حکومت مہنگائی دا جن قابو کرن وچ بری طرح نکام ہوگئی۔ ادارہ شماریات نے اعدادو شمار جاری کردتے جس دے مطابق اک سال وچ چینی اوسطا ساڑھے16روپے فی کلو تے20کلو آٹے دا تھیلا118روپے مہنگا ہوئیا۔
ایس دے نال بکرے دا گوشت104روپے،گائے دا گوشت تقریبا60روپے تے برائلر مرغی دی قیمت91روپے ودھ گئی اے۔ادارہ شماریات دے مطابق گھیو دا ڈھائی کلو والا ڈبہ129روپے،چاول8روپے،دہی14روپے تے انڈے تقریبا31روپے فی درجن مہنگے ہوگئے۔
ادارہ شماریات دے مطابق جون2020دے مقابلے وچ مہنگائی دی شرح8.6توں ودھ کے10.8فیصد ہوگئی۔
