سندھ وچ ہر شہری لئی کورونا ویکسی نیشن لازمی قرار
کراچی(پنجابی میڈیا گروپ) سندھ حکومت نے صوبے دے ہر شہری لئی کورونا ویکسی نیشن نوں لازمی قرار دے دتا۔
وزیراعلی سندھ مراد علی شاہ دی زیرصدارت کورونا ٹاسک فورس دا اجلاس ہوئیا جس وچ صوبائی وزیراں،چیف سیکرٹری تے ہور اعلی حکام رلت کیتی۔
کورونا ویکسی نیشن نہ کران والے سرکاری ملازمام دی تنخواہ بند کرن دی ہدایت ۔
ترجمان دے مطابق وزیراعلی سندھ نے ایس دوران صوبے دے ہر شہری لئی کورونا ویکسین نوں لازمی قرار دیندیاں ہوئیاں آکھیا کہ ساہنوںکجھ اہم قدم چُکنے پین گے جس نال شہریاں نوں محفوظ رکھنا اے۔
وزیراعلی نے محکمہ صحت نوں صوبے دے ہر مقام اُتے ویکسی نیشن دی سہولیات مہیا کرن دی ہدایت کیتی تے آکھیا کہ دیہاتی علاقیاں وچ گھٹ توں گھٹ300بنیادی یونٹ قائم کیتے جان جناں نوں ویکسی نیشن سینٹرز قرار دیا جائے جیتھے روزوار دی بنیاد اُتے30ہزار شہریاں دی ویکسی نیشن کیتی جائے۔
