کورونا توں بچن لئی نوا پلان تیار کیتا اے

لہور( پنجابی میڈیا گروپ)ڈاکٹریاسمین راشد ہوراں آکھیا کہ پنجاب وچ کورونا توں بچن لئی حکمت عملی تیار کرلئی، روزوار4لکھ20ہزار بندیاں دی ویکسی نیشن دا ٹارگٹ رکھیا، ایس سال دے آخر تک صوبے دے7کروڑ بندیاںنوں ویکسین لگان دا پلان اے۔
وزیر صحت پنجاب ڈاکٹر یاسمین راشد دا کہنا سی کہ پنجاب نوں جون تک روزوار4لکھ20ہزار بندیاں نوں کورونا ویکسین لگان دا ٹارگٹ مل گیا، صوبے وچ6کروڑ27لکھ توں ودھ بندیاں نوں ویکسین لگنا اجے باقی اے، پنجاب وچ ہنتک43لکھ توں ودھ افراد نوںکورونا ویکسین لگائی جاچکی، پنجاب وچ18سال توں ودھ عمر صرف6فیصد آبادی نوں ویکسین لگی اے۔
یاسمین راشد نے ہورآکھیا کہ ایس سال ڈیرھ ارب روپے دی ویکسین خریدی گئی تے وفاق ولوں وافر مقدار وچ ویکسین مل رہی اے، ویکسین دی کوئی قلت نہیں، ٹیچراں، میڈیکل سٹوڈنٹاں، فرنٹ لائن ورکراں تے ہوراں گروپاں دی وی ویکسینیشن شروع کیتی جا چکی اے، پاکستان وچ صوبہ پنجاب وچ سب توں ودھ ویکسین کیتی جا رہی اے۔