سارے شہریاں نوں ویکسین لگن تک پابندیاں ختم نہیں ہوسکدیاں
اسلام آباد( پنجا بی میڈیا گروپ) وزیراعظم دے معاون خصوصی برائے صحت ڈاکٹر فیصل سلطان نے سارے شہریاں نوں ویکسین لگن تک پابندیاں نہ ختم ہون دا اشارہ دے دتا۔
اک بیان وچ ڈاکٹر فیصل سلطان ہوراں آکھیا کہ کورونا نے سارے ملکاں دے صحت دے نظام نوں متاثر کیتا اے، ایس بیماری دا مقابلہ کوئی اک ملک اکیلا نہیں کرسکدا، ایس بیماری دے خلاف پوری دنیا نوں اکٹھا ہونا پئےگا۔
اوہناں نے آکھیا کہ جد تک سارے شہریاں نوں ویکسین نہیں لگدی پابندیاں ختم نہیں ہوسکدیاں
واضح رہے کہ ملک وچ کورونا کیس دن بدن گھٹ رہے نیں تے دو مہنیاں توں بعدکیساں دی تعداد50ہزار توں گھٹ ہوگئی اے جد کہ مثبت کیساں دی شرح وی4فیصد توں گھٹ اے۔
