دنیا نے من لیا اے کہ پاکستان نوں آن والی نسل دی فکر اے: وزیراعظم عمران خان
اسلام آباد( پنجابی میڈیا گروپ)وزیراعظم ہوراں آکھیا کہ عالمی یوم ماحولیات دی میزبانی پاکستان لئی وڈا اعزاز اے، دُنیا نے من لیا اے کہ پاکستان نوں آن والی نسل دی فکر اے،خیبرپختونخوا وچ اک ارب درخت لگائے،قدرتی ماحول دی بحالی لئی اقدامات دیضرورت اے۔
کنونشن سینٹر وچ عالمی یوم ماحولیات دی تقریب نال وزیراعظم عمران خان نے خطاب کردئیاں آکھیا کہ عالمی یوم ماحولیات دی میزبانی وڈا اعزاز اے، قدرتی ماحول دی بحالی لئی اقدامات کرن دی ضرورت اے، پاکستان واحد ملک جیہڑا آن والی نسل دی فکر کردا اے، پاکستان سنے بوہت سارے ملکاں نے ماحول اُتے توجہ نہیں دتی، خیبرپختونخوا وچ5سال دے اندر اک ارب درخت لگائے،بدقسمتی نال دنیا وچ ماحولیات توں بچن اُتے توجہ نہیں دتی گئی، ساڈے ویکھدئیاں ہی جنگل تباہ کر دتے گئے، قبضے ہوگئے۔
Load/Hide Comments





















