نیب نے خواجہ سعد رفیق تے ریلوے دے افسراں دے خلاف انکوائری دی منظوری دے دتی

اسلام آباد( پنجابی میڈیا گروپ)چیئرمین نیب جاوید اقبال دا کہنا اے کہ وڈیاں مچھیاں دے خلاف وائٹ کالرکرائمزدے میگا کرپشن مقدمیاں نوںانجام تک پہنچانا اولین ترجیح اے۔
قومی احتساب بیورودے ایگزیکٹو بورڈ دا اجلاس نیب دے چیئرمین جسٹس جاوید اقبال دی زیرصدارت نیب ہیڈکوارٹراسلام آباد وچ منعقد ہوئیا جس وچ10انکوائریاںدی منظوری دتی گئی۔
اجلاس وچ خواجہ سعد رفیق سابق وفاقی وزیربرائے ریلوے،پاکستان ریلوے دے افسراں تے ہور، مظفر علی رانجھا،سابق ڈی جی اینٹی کرپشن پنجاب، نورالامین مینگل سابق ڈی سی او فیصل آباد، ہائی ویز ڈیپارٹمنٹ فیصل آباد دے افسراں ، سٹی ڈسٹرکٹ حکومت فیصل آباد دے افسراں ، میسرز یڈ دے بی ریلائیبل تے ہوراں، چوہدری شیر علی سابق مئیر /سابق رکن قومی اسمبلی فیصل آباد، محمد امین چوہدری سابق ڈپٹی کمشنر فیصل آباد، میاں انجم محمد سلیم، محمد سلیمان، عمران شیر علی، ایف ڈی اے دے افسراں تے ہور، خواجہ فرید یونیورسٹی رحیم یار خان دے افسراں ،چیف سیکرٹری پنجاب تے پنجاب ایجوکیشن فانڈیشن وہاڑی دے افسراں،سیکرٹری ایکسائز اینڈ ٹیکسیشن، ایکسائز اینڈ ٹیکسیشن رحیم یار خان دے افسراں، یونائیٹڈ ایتھانول انڈسٹریز صادق آباد دی انتظامیہ تے ہوراں،آفیسرزسی اینڈ ڈبلیو، ڈیپارٹمنٹ دے افسراں تے ہور، لائیو سٹاک ڈیپارٹمنٹ ملتان دے افسراں تے ہور، مہرارشاد احمد خان رکن قومی اسمبلی تے ہوراںدے خلاف انکوائریاں دی منظوری شامل اے۔

اپنا تبصرہ گھلو